Уул уурхайн салбар нь эрсдэл өндөртэй маш нарийн дүрэм, журам, горим шаарддаг. Иймд манай компанийн хөдөлмөрийн аюулгуй байдал, эрүүл ахуй, онцгой байдлын хэсэг нь 18 хүний бүрэлдэхүүнтэйгээр ажил хөдөлмөр эрхэлж буй ажилтнуудынхаа ажлын байрны орчин нөхцөлийг сайжруулах, эрүүл аюулгуй ажлын байрыг бий болгох, болзошгүй аюул, эрсдэлээс урьдчилан сэргийлж хүний эрүүл мэнд, аюулгуй ажиллагааг ханган ажиллахад чиглэсэн үндсэн бодлогын хүрээнд хууль дүрэм журмын дагуу шаардлагатай арга хэмжээнуудийг зохион байгуулж, хэрэгжилтэд хяналт тавин ажиллаж байна.

Байгаль орчны хэсэг нь хүний үйл ажиллагааны улмаас байгаль орчинд учруулах сөрөг нөлөөллөөс урьдчилан сэргийлэх, хяналт тавих, нөхөн сэргээх, дүйцүүлэн хамгаалах арга хэмжээг төлөвлөж хэрэгжүүлэх, байгаль орчны судалгаа, шинжилгээ хийх, инженерчлэлийн зарчмыг баримтлан, байгаль орчинд учруулах сөрөг нөлөөллөөс урьдчилан сэргийлэх, нөхөн сэргээх, арчилж хамгаалах, ургуулах зэрэг ажлыг гуйцэтгэнэ.

Байгаль орчны бодлого

• “Платинум Ланд” ХХК-ийн Байгаль орчны бодлого нь уурхайн үйл ажиллагааны явцад байгаль орчинд учирч болох сөрөг нөлөөллөөс урьдчилан сэргийлэх, байгалийн баялгийг зохистой ашиглах, нөхөн сэргээх талаар байгаль орчны зорилтыг хангахад чиглэсэн бөгөөд ашигт малтмал олборлох бүх үе шатанд тогтвортой хөгжлийг дэмжих, компанийн нийгмийн хариуцлагыг хэрэгжүүлэх үйл ажиллагааны салшгүй хэсэг байна.
• Байгаль орчны бохирдол, доройтол болон сөрөг нөлөөллөөс урьдчилан сэргийлэх, байгалийн нөөцийн хэрэглээг багасгах арга хэмжээг тогтмол авч хэрэгжүүлнэ.
• Байгаль хамгаалал, ашигт малтмалын олборлолтыг нягт уялдуулах замаар байгальд ээлтэй ногоон технологи, аргачлал ашиглах, уул уурхайн үйл ажиллагааны явцад эвдэрч гэмтсэн хөрсийг нөхөн сэргээх, дахин ашиглах үйл ажиллагааг дэмжинэ.
• Ашигт малтмал олборлох үйл ажиллагаанд мөрдөж буй байгаль орчныг хамгаалах, нөхөн сэргээхэд холбогдолтой Монгол Улсын хууль болон эрх зүйн баримт бичгүүдийн шаардлагад нийцэж ажиллана.
• Компанийн бүх шатны удирдлага, ажилтнууд байгаль орчны гүйцэтгэлээ дээшлүүлэх зорилгоор байгаль орчны талаарх арга хэмжээг төлөвлөх, хэрэгжүүлэх, хянах, үр дүнг үнэлэхэд оролцож байгаль орчны менежментийн тогтолцоог байнга сайжруулна.
• Байгаль орчны бодлого нь компанийн нийт ажилтнууд, гэрээгээр ажил гүйцэтгэгчдэд хамааралтай бөгөөд орон нутаг, сонирхогч талуудад нээлттэй.

Байгаль орчны удирдлагын тогтолцоо

Бид үйл ажиллагааныхаа чанар, хүртээмжийг сайжруулах үүднээс Олон улсын Байгаль орчны удирдлагын тогтолцоо ISO14001:2015 стандартыг “Туулын Зүүн Дэнж” төсөлд 2018 оноос хойш нэвтрүүлэн хэрэгжүүлсэн бөгөөд Олон улсын аудитын байгууллагаар сүүлийн 5 жил тасралтгүй хяналтын аудитыг хийлгэн гэрчилгээгээ баталгаажуулан ажиллаж байна.